خه‌له‌كا 32:
تمامه‌تى بو خه‌له‌كا چووى، ئه‌ڤ ئديوم و زاراڤه‌ ژى يێت هه‌ين:
١- بو مرۆڤێت (كورت) دبێژن: به‌ژن بهوست، ڕپنك.
٢- بو يێ (درێژ) دبێژن: چه‌لاكه، شڤاڕه‌. 
٣- (كورتێ قه‌له‌و) دبێژن: قورمه‌قوت، سنگێ هرچێ.
٤- (له‌ بله‌بان) : مرۆڤێ ئاخفتن چێكرى و شاره‌زا بو گۆتنێ.
٥- (سوڕك) : مروڤێ پربێژ و پر ئاخفتن.
٦- (چه‌قچه‌قوك) : ديسا مرۆڤێ پربێژ و پر ئاخفتن، حه‌فت حه‌فته‌‌ ئاخفتن ژ ده‌ڤى ده‌ركه‌ڤن.
٧- (لاڵوته)‌: ئاخفتنێت وى نيڤ تمام و نه‌ دروستن.
٨- (تورتورى) : ئه‌و ژى ئاخفتنا وى ب دروستى ژ ده‌ڤى نا ده‌ركه‌ڤيت.
٩- (ده‌ف قه‌رسى) : بو ئاخفتنێ ڤه‌دمينيت.
١٠- (ده‌ڤه‌ژە‌ن) : به‌رۆڤاژى ده‌ڤ قه‌رسى، ده‌ڤێ وى نا راوستيت بو ئاخفتنێ.
١١- (بوم) : مرۆڤێ كێم ئاخفتن.

تێبينى: ئه‌م ل ڤان دوو سێ رستێن خوارێ بنێرين هه‌كه‌ وه‌سفا كه‌سه‌كى بهێته‌ كرن دبێژن:
١- ئيكێ ده‌ڤ ته‌پيكێ ئه‌رزنك درێژێ زك ته‌بقيێ مل خويلێ روق درێژ.
٢- ئێكێ قورمه‌قوتێ هويرێ خرخرێ زك هيزه‌.
٣- ئێكێ قه‌رقه‌مكێ شڤاره‌ى چه‌لاكه‌ وه‌كى هلامه‌تێ ناڤ بيستانا.
٤- هه‌ى لالوزمێ ده‌ڤێ ته‌ گرتيو ته‌ چويرى ژ گوهێت مه‌ برن.