د. عزەت فندی، ل سەر زمانێ کوردی دنڤیسیت – ٣١

خه‌له‌كا 31:
ئه‌و زاراڤ و ئيديومێت لسه‌ر له‌شێ مرۆڤى يان ئه‌ندامه‌كێ له‌شێ مرۆڤى دهێنه‌ گۆتن و پێ دهێنه‌ سالوخدان ب ڤى ره‌نگێ خوارێ نه‌.
١- (سه‌ر چێل يان سه‌ر گا) ئانكو سه‌ر مه‌زن.
– (سه‌ر ته‌شيك) ئانكو سه‌ر بچويك وه‌كى سه‌ركێ ته‌شيێ.
– (سه‌ر حوچ) ئانكو سه‌ر رويت، بێ موى.
٢- (گوهبه‌ل) ئانكو گوهێت قيچ و ژ سه‌رى د دوير.
– (گوهلڤاشه)‌ ئانكو گوهێت مه‌زن و نه‌رم و پێچه‌ك شور.
٣- (چاڤ بلوق) وه‌كى چاڤ بلح و چاڤ حلوى ئانكو ئه‌و چاڤێت مه‌زن و ژ سه‌رى ده‌ركه‌تى.
– (چاڤ زل) ئانكو چاڤێت راوستياى و نه‌ لڤ.
– (چاڤ كونه‌سم) ئانكو چاڤ هوير.
– (چاڤ پرپتووك) ئانكو چاڤێت هوير و بێ سه‌روبه‌ر .
٤- (لێڤ ترشك) ئانكو لێڤێت ترش و شين و مه‌زن.
– (لێڤ مترب) ئانكو لێڤ مه‌زن وه‌كى لێڤێت زرنا بێژا.
٥- (دفن قوپ) ئانكو وه‌كى دفنا بڕى و كورت.
– (دفن شالووك) ئانكو وه‌كى دفنا شالووكێ شور و درێژ و نيڤ بازنه‌ى.
– (دفن داس) ئانكو دفنه‌كا راست و درێژ و ژ سه‌روچاڤا ده‌ركه‌تى.
٦- (ده‌ڤ ته‌بيك) ئانكو ده‌ڤه‌كێ بێ ددان و ته‌بقى.
– (ده‌ڤ كالووخك) ئانكو ئه‌وێ ئه‌رزنك درێژ و ده‌ڤێ وى شور.
٧- (ئه‌رزنك درێژ) ئه‌وێ ئه‌رزنكا وى درێژ
– (په‌چ) ئانكو ئه‌رزنك كورت
٨- (شاوى درێژ) ئانكو لام لامك درێژ.
٩- (له‌پله‌په‌) ئانكو ئه‌وێ ده‌ست و تليت وى مه‌زن.
١٠- (زك هيز) ئانكو زك مه‌زن، زكێ وى وه‌كى هيزێت دوشاڤێ.
– (زك مه‌شك) ئانكو زك مه‌زن، زكێ وى وه‌كێ مه‌شكێ.
– (زك شور) ئانكو زك مه‌زن و شور بويه‌ سه‌ر شويتكێ.
– (طلۆ) ئانكو زك مه‌زن، خودانێ طلى.
١١- (مل خويل) ئانكو مل چه‌مياى.
– (مل پان) ئانكو ناڤ ملێت وى د پانن.
١٢- (پشت قه‌فاره) ئانكو پشت چه‌مياى، پشتا وى وه‌كى دارێ قه‌فارێ يێ ده‌رێ كوتانێ.
– (پشت كوڤل) ئانكو گرێيه‌ك ل ناڤ ملێت وى و پشتا وى وه‌كى كوڤلى.
١٣- (چوك ئاشه‌ڤان) ئانكو چوك مه‌زن، وه‌كى چوكێت ئاشه‌ڤانان.
١٤- (روق درێژ) ئانكو لنگ درێژ ژ چوكا و پێدا ئانكو لويلاق.
١٥- ( پێ پان) ئانكو پێ مه‌زن.

Leave a Reply

Your email address will not be published. Required fields are marked *