د. عزەت فندی، ل سەر زمانێ کوردی دنڤیسیت – ٤٦

خەلەکا ٤٦

گەلەک جارا ھندەک شانازیێ دبەن و دبێژن فلان زمان گەلەکێ دەولەمەندە و ئێک پیت ژڤێ پەیڤێ یان ئاخفتنێ ب گوھوڕە دێبیتە مەعنایەکادی و دێ ئینن و بەن و تە ھێڕ کەن، کا ئەم ژی پێکڤە ل ڤان پەیڤان بنێڕین و ب گھوڕینا ئێک پیت چ ل مەعنایێ دھێت و ئەز دشێم بێژم ب سەدا پەیڤێت وەک ڤان دزمانێ مەدا ھەنە، لێ تنێ بونموونە ئەمێ بێژن:

١- شڤک: شڤکا ھنارێ

٢- شمک: شمکا وێ یا نوی یە.

٣- شلک: دارەک ل شلکا سەرێ وی دا.

٤- شوک: شوکا ماسی یا.

٥- شاک: شاکا مێوێ .

٦- شەک: بو پەزی دھێتە گۆتن (کاڤڕێ ئێک ساڵی، شەک دبیتە دوو ساڵی).

تنێ ب گوھوڕینا پیتا (ڤ~م~ل~ و~ا~ە) شەش مەعنا ژێ دەرکەتن.

….

١- بسک: بسکێت ژنکا

٢- باسک: باسکێ جگارێ

٣- بستک: بستکا نان وەرگێڕانێ، بستکا گۆشتی.

٤- بستیک: بستیکا بەقلی، بستیکا کەرفسێ.

….

١- گر: گرێ ئاخێ

٢- گڕ: ئاگر، گڕەک ھاتێ.

٣- گل: ئاخ ، گازندە

٤- گو: تەپە

٥- گا: گایێ جووتی

٦- گژ: سەر گژ، پویرتێ قژاڤژ.

٧- گڤ: گڤ گڤا بای.

٨- گغ: گغ گغا بچویکی.

ب گوھوڕینا ئێک پیت ھەشت مەعنا دانەمە.

لیست گەلەکا درێژە، بلا ھەوە زمانێ خۆ پڤێت، شەرم نەکەن، پێ ب ئاخڤن، زمانێ مە چ ژ یێت خەلکی کێمتر نینە باش بزانن، پشت ڕاست بن.

Leave a Reply

Your email address will not be published. Required fields are marked *