خه‌له‌كا 28:
زاراڤ و ئديومێت تايبه‌ت ب زارۆكێت 1 سالى هه‌تا 2 سالى ڤه، دبێژن:
– كخه: ئانكو (نه پاقژ) يان (پيس).
– بوڤڤه: بو (ترساندن) ژ ئاگرى و تشتێ گه‌رم دهێته گوتن.
– فوكێ عه‌مى كه: ئانكو (خوارنێ بخۆ)، هزرا من بنياتێ په‌يڤا فوكێ و food دگه‌هته ئێك.
– فن: ئانكو (دفن).
– چه‌چ: ئانكو (ده‌ست)، دبێژن چه‌چو قوتو بابو هات.
– په‌پ: ئانكو (پێ)، دبێژن: چه‌چك و په‌پك خيار بون، لناڤ بيستانا ديار بون.
– تووتى كه: ئانكو (روينه)، دبێژن: تووتى كه، گازى كچكێت خه‌لكى كه يا جان چاڤێ وێ ماچى كه.
– عه‌كێ: بو پيساتيێ بچويكى دئێته گوتن.
– شوشيكه: هه‌كو سه‌رێ بچويكى دئێته شويشتن، دبێژن: دێ سه‌رێ وى شوشى كه‌م.
– ئه‌لاكێ: ئانكو (بنڤه).
– كغ كغ: هه‌كو (ده‌نگ) ژ بچويكى دئێت دبێژن يێ كغ كغێ دكه‌ت.
– بو لڤين و رێڤه‌چوونا بچويكا دبێژن: لسه‌ر (چاله‌پكا) يێ دچيت ئانكو، لسه‌ر هه‌ردوو ده‌ستا و لسه‌ر كووتكێت پێيا ب رێڤه دچيت (چاله‌پك = چارله‌پك = دوو ده‌ست و دوو پێ).
– هه‌كو زاروك رادبيته ژپێرڤه و د كه‌ڤيت دبێژن: يێ رابويه (وه‌ستيكا).
– لده‌مێ نڤستنێ سترانه‌ك بو بچويكا دئيته گوتن دبێژن: لا اله الا الله، سۆفيا به‌ردا دوى مه‌لا، حه‌تا مانگێشكا فه‌لا.
– سۆفى سۆفيێت خودێ نه، كاچكێت وا منه‌ك تێ نه، سۆفى سۆفيێت ئێتويتێ كاچكێت وا عه‌لبه‌ك دچيتێ، سۆفى سۆفيێت مه‌مانێ.
ناڤێ هنده‌ك تشتێت تايبه‌ت ب زاروكا ڤه:
– عه‌ووك ئانكو صه
– به‌عێ ئانكو كارك
– پشێ ئانكو پشيك
– چويچێ ئانكو چويچك، ته‌يرك
– ئوشو ئانكو كه‌ر, ده‌وار
Leave a Reply