خه‌له‌كا 27:
هيڤيدارين ئه‌م پێكڤه ل ڤان زاراڤێن خوارێ بنێرين:
١- هێت هێت كر:
– قه‌سابى كه‌له‌خێ گوشتى هێت هێكر، واته (ڕان جودا، شه‌پيلك جودا، په‌راسوى جودا…) ئانكو پارچێت پيچه‌ك مه‌زن و ناڤنجى (نه‌وه‌كى ئێك).
٢- قه‌ت قه‌ت كر:
– مه دارێت خوه هه‌مى قه‌ت قه‌ت كرن، واته باراپتر پارچێت (وه‌كى ئێك).
٣- پرت پرت كر:
– وه‌كى به‌ڕ، مه‌حفوير، تاتى، كاغه‌ز، نان، دبێژن (كاغه‌ز پرت پرت كر و هاڤێته وێرێ) ب مه‌عنا (سقه‌ت كرن)، پرتێت (نه‌وه‌ك ئێك).
٤- هوير هوير كر:
– وه‌ك به‌ر، كه‌ڤر،شويشه، نوك، باراپتر هه‌كو ب تشته‌كى بێنه قوتان دبێژن (هوير بو يان هوير هوير بوو).
٥-كويزى:
– وه‌ك سێڤ، هرمى، گوندور، باجان، دبێژن (كا ڤێ سێڤێ كويزى كويزى كه).
٦-كه‌ركر:
– باراپتر مه‌به‌ست پێ (نيڤى) كرنه، وه‌كى دبێژن (نانى كه‌ركه) ب مه‌عنا (بكه دوو نيڤ)، (سێڤێ كه‌ركه) ديسان ب مه‌عنا (دوو نيڤێت وه‌ك ئێك).
٧- ته‌قالك:
– وه‌ك خيار، باجان ره‌شك، كولند، هه‌كو پارچه‌كا خر و بازنه‌ى ژێڤه دكه‌ن دبێژنێ (ته‌قالك).
تێبينى:
– كه‌لاشتن: قورمێت مه‌زن ب (بڤر)ى دهێنه كه‌لاشتن
– قوتان: دان و دكاك ب (جوونى) دهێنه قوتان.
– هێران: گه‌نم ب (ئاش)ى دهێته هێران و دبیته هه‌ڤڕان.
Leave a Reply