خه‌له‌كا 19:
براده‌ران ئه‌ڤه بو ماوێ هه‌يڤه‌كێ يه، واته دوو خه‌له‌كێت زمانى مه راوستاندن، ژبه‌ر ڤى كاودانێ سياسى يێ ب سه‌رێ هه‌رێما مه دا هاتى و مه گۆت هه‌مى سوحبه‌ت نه يێت هه‌مى ده‌ما نه، لێ پشتى عه‌ور ڤه‌ره‌ڤين ئه‌م ژى دێ ل كارێ خوه يێ زمانى ڤه‌گه‌رين.١- وه‌كى ئاڤ به‌ره‌ف ته‌زى بونێ ڤە دچيت، ئانكو (پلا گه‌رمێ دادكه‌ڤيت) زاراڤ ب ڤى ره‌نگى دهێنه گۆتن:
– ئاڤا كانيكى… سه‌قا شكه‌ستى… ته‌زى… سيقال.
به‌روڤاژى وه‌كى (پلا گه‌رمێ بلند دبيت) زاراڤ ب ڤى ره‌نگى دهێنه گۆتن:
– ئاڤا كانيكى… تێن شير… گه‌رم…كه‌ل… داخكرى.
٢- وه‌كى عه‌رد دهێته راستكرن و حلوى كرن، ب ڤان زاراڤان (پلا زڤراتيێ) دهێته بناڤكرن:
– تيل… حلوى… زڤر… گرر…
٣- وه‌كى ديواره‌ك دده‌رزيت ل دوى (فره‌هيا ده‌رزێ) ناڤ لێ دهێته كرن، ب ڤى ره‌نگى به‌ره‌ف فره‌هيێ:
– تيك… ده‌رز… په‌ق… كه‌لێشت.
