ل رۆژا سێ شەمبی رێکەفتی ٩/٦/٢٠٢٠ و ل سەنتەرێ رەوشەنبیری و جڤاکی یێ زانکۆیا دهۆک گەنگەشا ناما دکتۆرایێ یا ب ناڤێ “رۆلێ لایەنگرێن کۆمۆنیستان د بزاڤا رزگاریخوازیا کوردی دا د ناڤبەرا سالێن ١٩٧٩-١٩٩١ / ڤەکۆلینەکا سیاسی دیرۆکی” یا ڤەکۆلەر و مامۆستایێ زانکۆیا دهۆک (سالار عەبدولکەریم فندی) هاتە کرن.
پشتی گەنگەشێ، بەرەڤانیکرن ژلایێ سەرپەرشت و ڤەکۆلەری ڤە هاتیە کرن، لژنا گەنگەشێ بریار ل سەر وەرگرتنا ناما ڤەکۆلەری دا و باوەرناما دکتۆرایێ ب ڤەکۆلەر “سالار عەبدولکەریم فندی” هاتەدان.
لژنا گەنگەشێ ژ ڤان بەرێزان پێکهاتبوو:
– پرۆفیسور د. محمد عبدالله كاكەسور، ژ زانكۆيا سەلاحەددين، سەرۆک
– پرۆفیسورێ هاریکار د. مهڤان عارف عبدالرحمن، ژ زانكۆيا دهۆک، ئەندام
– پرۆفیسورێ هاریکار د. ئامانج احمد مصطفى، ژ زانكۆيا سۆران، ئەندام
– پرۆفیسورێ هاریکار د. علي صالح حمدان، ژ زانكۆيا زاخۆ، ئەندام
– پرۆفیسورێ هاریکار د. ئاراس عبدالرحمن مصطفى، ژ زانكۆيا راپەرین، ئەندام
– پرۆفیسورێ د. عبدالفتاح علي يحيى، ژ ئەکادیمیا کوردی – هەڤلێر، ئەندام و سەرپەرشت
هەژی گۆتنێ یە کو سالار فندی باوەرناما خۆ یا ماستەرێ ژ زانکۆیا مستەنسەریێ ل بەغدا وەرگرتیە و نوکە ڤەکۆلەر و مامۆستایە ل زانکۆیا دهۆک و چەندین ڤەکۆلین و پەرتووکێن دیرۆکی و ئەکادیمی چاپ و بەلاڤکرینە.
