ب ھلکەفتا بدەستڤەئینانا رێزێن ئێکێ د رێزبەندیا زانکۆیێن تایبەت دا ل سەر ئاستێ ھەرێما کوردستانێ، د رێورەسمەکێ ژ ھەژی دا ل رۆژا سێ شەمبی رێکەفتی ٢٧/١١/٢٠١٨ێ سەرۆکێ زانکۆیا نەوروز د پەیڤەکێ دا پیرۆزباھیێن (عەبدولعەزیز تەیب) سەرۆکێ دەستەیا ئەمیندارێن زانکۆیا نەورۆز و یێن سەرۆکاتیا زانکۆیا نەورۆز ل گشت مامۆستا و فەرمانبەر و قوتابیان کر، پشترا ھاریکارێ سەرۆکێ زانکۆیێ بو کاروبارێن زانستێ چەندین ئامار و کار و چالاکیێن زانکۆیێ دانە دیارکرن.
ل دویماهیێ ژی خەلاتێن رێزلێنانێ ل سەر چەندین مامۆستا و فەرمانبەرێن زانکۆیێ ھاتنە بەلاڤکرن.
هەژی گۆتنێ یە کو زانکۆیا نەورۆز د ناڤ گرۆپێ (B) دا بوو کو ئێکەم گرۆپە د لیستا رێزبەندیا سالانە دا ئەوا ژ لایێ وەزارەتا خواندنا بلند و ڤەکۆلینێن زانستی یا حکومەتا هەرێما کوردستانێ ڤە دئێتە بەرهەڤکرن و راگەهاندن.