خه‌له‌كا 34:

د كورمانجيا مه‌ دا كا چه‌وا سه‌ره‌ده‌رى دگه‌ل وه‌ختى (ده‌م) و دووريێ هاتيه‌كرن:

1- ده‌م: گاڤه‌كێ، جگاركێشانه‌كێ، بيسته‌كێ، بێنه‌كێ، بێنه‌كا خوه‌ش دانه‌كێ روژێ. 

– گاڤه‌كێ: ب چه‌ند ده‌قيقه‌كێت كێم دهێته‌ هژمارێ.

– جگاركێشانه‌كێ: نێزيكى 15- 20 ده‌قيقه‌.

– بيسته‌كێ: دبيته‌ نيڤ سه‌عه‌ته‌ك.

– بێنه‌كێ: سه‌عه‌ته‌ك كێمتره‌.

– بێنه‌كا خوه‌ش: سه‌عه‌ته‌ك پتره‌.

– دانه‌كێ روژێ: 4 – 5 سه‌عه‌ت تێ هه‌نه‌.

2- دوورى: مويه‌كى، بهوسته‌كێ، پێنگاڤه‌كێ، وه‌ريسه‌كى، دوو قؤلاچێت وه‌ريسى، قوناغه‌كێ.

– مويه‌كى: ب چه‌ند سه‌نتيمه‌كا دهێته‌ هژمارێ، دبێژن (موويه‌كى وێڤه‌ هه‌ره‌).

– بهوسته‌كێ: نێزيكى 15- 20 سه‌نتيما.

–  پێنگاڤه‌كێ: نێزيكى 1 مه‌تر.

– وه‌ريسه‌كى: نێزيكى 8- 10 مترا.

– دوو قۆلاچێت وه‌ريسى: نێزيكى 20 مترا.

– قوناغه‌كێ: نێزيكى 30- 40 كيلومه‌ترا، دبێژن قوناغا روژە‌كێ (ب پی يا يان ب ده‌وارا‌ دهێته‌ هژمارێ).

 

تێبينى: ئه‌ڤ په‌يڤێن ل خوارێ ديسان بو ده‌مێ سپێدێ هه‌كو تارى خو ژ عه‌ردى به‌رده‌ت و به‌ره‌و روناهى دچيت و جاره‌كا دى دبيته‌ شه‌ڤ بكار دهێن:

تارى (تبل چاڤ) ← تارى گه‌ورك ← صه‌ و گورك ← سپيتاڵه‌ ← ئه‌لند ← كون سحار ← سپێده‌كا زوى ← سپێده‌ ← تێشته‌گه‌ ← نيڤرو ← ئێڤار← حه‌تاڤ زه‌رك ← تارى (تبل چاڤ).