د. عزەت فندی، ل سەر زمانێ کوردی دنڤیسیت – ٨

خه‌له‌كا 8 :
ديسان د كورمانجی یا خوه‌ش و شرين دا، هه‌كه‌ ئه‌م ل ڤان ئاخفتن و په‌يڤان بنێرين و بزانين چ په‌يوه‌ندى و گرێدان دگه‌ل ئێك هه‌يه‌ (بژكى، بژييا، بژاره‌، بژاله‌، هه‌ژاله‌) يان ( هه‌ژ، گژ، قژ، گژك، يان گژلووك) يان (ژوژى، ژاژى، ژاژڤه‌بو)، هه‌مى دبنه‌ما و دبنه‌ره‌ت و دبنه‌كوكێ دا ل (دوخه‌كى ئانكو حاله‌ته‌كى) دگه‌هنه‌ ئێك، وه‌كى:


١- بژكى : گومتلێ ئاخێ بژكى… ئانكو پرت پرت بو و هوير هوير بو، بو دندكێت وه‌كى ئێك، ئێك توخم ئێك مادده‌.
٢- بژيياى: گرارا بژيياى ئانكو دندك دندك، ئێك توخم ئێك مادده‌.
٣- بژاره‌: مێويژا بژاره‌ … هه‌می وه‌كى ئێك، ئێك توخم ئێك ده‌ست ئێك مادده‌.
٤- بژاله‌: مروڤ بژاله‌ بون … ئانكو ژێك دوير كه‌تن ئانكو به‌ربونه‌ وارا، ئێك توخم وه‌كى ئێك.
٥- هه‌ژ: تايه‌كێ دارێ چقێت وى وه‌كى ئێك ژ لايێ ره‌نگ و ده‌ست و ستويراتيێ ڤه‌.
٦- گژ: سه‌ر گژ (قژ) گژاڤژ يان قژاڤژ، مويێت وه‌كى ئيك، پويرتێ نه‌ شه‌كرى، ئێك بابه‌ت ئێك توخم ئێك مادده‌.
٧- گژك: يان گژلووك دندكێت وه‌كى ئێك، ئێك بابه‌ت ئێك توخم ئێك مادده‌.
٨- ژوژى: ستريێت وى تيژ، راوه‌ستاى ره‌ق، ئانكو ژێ ژێ (داڤ داڤ) وه‌كی ئێك، ئێك بابه‌ت ئێك توخم ئێك مادده‌.
٩- ژاژى: ديسان دندكێت ژێكڤه‌بوى وه‌كى ئێك، ئێك بابه‌ت ئێك توخم.
١٠- ژاژڤه‌بو: وه‌كى دنيا عه‌ور و تارى و باران و ته‌نگاڤى، پشتى پيچه‌كێ دنيا رون ببيت و عه‌ور ته‌نك ببن و ژێكڤه‌ ببن، دبێژن دنيا ژاژڤه‌بو.

هيڤيدارم هزر د ڤى بابه‌تى دا بهێته‌ كرن و رولێ پيتا (ژ)وبەرى وێ و پشتى وێ د زمانێ كوردى بهێته‌ روونكرن، هه‌روه‌سان بو خاندنا ڤى بابه‌تى حه‌زدكه‌م هوين ل خه‌له‌كا 4 يا به‌رى ڤێ چه‌ندێ بنێرن.

Leave a Reply

Your email address will not be published. Required fields are marked *