د.عزەت فندی مامۆستایێ زانکۆیێ پشکداری خەلەکا رۆژا ٠٦/١١/٢٠١٧)ێ یا بەرنامێ “ئابوور” یێ کوردستان ٢٤ بوو کئ تایبەت بوو ل دوور گرنگیا کوردستانێ بۆ عیراقێ.

د.عزەت فندی د خەلەکا ڤێ جارێ یا بەرنامێ “ئابوور” دا بەحسێ گرنگیا ئابوورێ کوردستانێ کر کا چەوا حکومەتا عیراقێ دخوازیت هەرێما کوردستانێ ژلایێ ئابووری ڤە لاواز بکەت.

ژلایەکێ دی ڤە د.عزەت فندی دا دیارکرن کو پێتڤی یە بەری هەر تشتەکی ژبو بهێزکرنا ئابوورێ خوە ئەم پشتبەستنێ ل سەر شیان و ئاخ وکەرەستێن خوە یێن ناڤخوەیی بکەین. هەر وسا دا دیارکرن کو ئەو دەرگەهـ ڤەکرنا وەلاتان ل هەمبەر مە ئابوورێ مە تێکدا و تنێ چاڤێ مە ل بەرهەمێ بیانی ما و تا کو مە تەڤ کارگەهێن خوە ژی ژ کارخستن، لەورا پێتڤی یە ئەم هزرەکا دویر و کویر د ڤێ چەندێ دا بکەین و بنواشەکێ بهێز یێ ئابووری دانین.

پرۆفیسورێ هاریکار د.عزەت فندی نها هاریکارێ سەرۆکێ زانکۆیا نەورۆزە ل دهۆکێ، چەندین پەرتووک و ڤەکۆلینێن زانستی بەلاڤکرینە.

بۆ دیتنا خەلەکا ناڤبری ژ بەرنامێ “ئابوور” مالپەرێ فندی ڤیدیویا بەرنامێ ل ژێر دئێخینە بەر دەست.