DespêkNivîsPertûkWêneVedioFindî FontLînkTêkelîMêvanname Dawîkirin 14-03-2013

Wikipedia - Findi
 

Bi Xêrbên Bo Malpera Malbata Findî

كوردي - عربي

Ebdulkerîm Findî
Resid Findî
Izet Findî
Salar Findî
Hekar Findî
Emîr Findî
Pesar Findî
Heval Findî
 

 

Findi Font   Download  

 

 

Screen Saverên Kurdî

 
 
 

 

Di  Mêvannamê de binvîse

 
 
 
 

 Bike pela Despêkê

 
 

 Di Favorêtê ke

 
  alert script

 
 

Di Findi.Info de Bigere

   
 
 
   

Kurdî - Erebî- Latînî

 
 

Evê li salên dû hizarê û hêrve dinivîsin pitir wergêran û vecûyna hizrên ne Kurdî ne

 

 
 

 

 


 

 

 

Serexoşî….

 

 

Findî Info

Bi xem û kovan, me nûçê wexerkirina mamoste û nivîskar û kesayetiyê bajarê Duhokê, dostên malbata me (Mes'ud Mihemed Se'îd Duhokî) bihîst, wexerkirina kesayetiyekê wisa berêz û hêja xemeka mezin di dilê me de hişt, û valatîyeke mezin di dîwana me û ya devere de hişt .

Hêjayî gotinê ye ku xwedê jê razî xodan serbor û xizmeteke bercav bû di warê hînkirin û nivêsînê de, her wesa camêrîya wî ya aşkira û rûn bû li hember xelkî nexasime hember dost û hevalên xwe.

Binavê malbata Findî û bi dilekê xemgîn, serexweşîyên xwe arasteyî malbata xwedê jê razî (Mes'ud Efendî) dikeyin, û hîvîxazîn ji xwedê bi behişta xwe ya berîn şad bike.

îna lîlah û îna îleyîhî racî’on

 

Ebdulkerîm Findî

Pêş Malbata Findî ve (Duhok  03.05.2013)

 

 

 

Ebdulkerîm Findî

 

hate xelatkirin

 

Findî Info
Bi hilkefta 115 saliya rojnamegeriya Kurdî, liqê Duhok yê Sendîka Rojnamevanên Kurdistanê li roja 23.04.2013an bi çend çalakîyan ev bîrewerîye bi bîranî.

Di vê rojê de (Ebdulkerim Findi) wek Damezrenerê Sendika Rojnamevanên Kurdisrtanê bi xelata Zêrin ya sendikayê hate xelatkirin.

Her wesa destekên pêshin yên birêveberên liqê duhok ew jî hatin xelatkitin. Zêdebarî nîşandana filmekê dukyumentî li dor damezrandina sendîkayê û liqê duhok yê sendîkayê.

di aliyekê din de di heman rêwresman de çapa diwê ji pertûkeka Hekar Findî a  navê "Rêberê Dezgehên Ragehandinê li Parêzgeha Duhokê" her wesa êkem hijmara kovara (Rounahi) ku ew jî ji aliyê Hekar Findî ve hatibû berhevkirin li ser berhevbûyan hatin parvekirin .

Bo xwendin û ditina wêneyên çalakiyê..... li vir bitikîne

 

 

 

Pertûkeke

Ebdulkerîm Findî

li ser zimanê Kurdî – Devoka Bahdînan derket

Findî Info

Ji weşanên rêveberiya çap û weşanê – Duhok pertûkeke Ebdulkerîm Findî li ser zimanê Kurdî bi zimanê 'Erebî bi navê "El-Lûxe El-Kurdîye fî Mentîqet Behdînan" anku "Zimanê Kurdî li Devera Behdînan" derket.

Pertûka desthilatdarê Birîtanî yê parêzgeha Musil / devera Badînan R.F.Cardîn ku di sala 1919an de bi zimanê ingilizî nivisandibû û weşandibû, nivîserê Kurd Ebdulkerîm Findî û Metî Filîbs ev pertûk wergêrandine ser zimanê Erebî, û şaşiyên wê jî rastvekirine.

Ev pertûkê wek rê nîşander û dergehek bo fêrbûna zimanê Kurdî- devoka Badînan hatîye nivîsandin û berhevkirin ji bo wan kesên biyanî yên ku li wî serdemî seredana devere dikirin.

Di Naveroka pertûkê de rêzman û çewanîya fêrbûna zimanê Kurdî digel çendin peyv û zarav û kurte serhatî û çîrokên Kurdî hatîne diyarkirin ku li ser 56 pişkên cuda cuda hatîne parve kirin û di bin 4 çiwar dergehan de hatîne pêşkêşkirin.

Di wexta xwe de ka çewa ev pertûk bo inglîzî ziman zana hatibû berhevkirin bi mebesta fêrbûn û haydarbûn li ser zimanê Kurdî, niha pertûk di vê çapa xwe de ew bo erebî ziman zana hatîye peşkêşkirin ku bi rêya vê pertûke ew dikarin bi şêwazekê rêzmanî û rast û dirost fêr û haydarî zimanê Kurdî bibin.

Nivîserê Kurd Ebdulkerîm Findî derbareyi vê pertûkê wisa dinivîsîne û dibêje "sererayî hêbûna çendîn şaşîyan di naveroka vê pertûkê de ev dibe êkemîn vekolîna rêzmanî derbarê zimanê Kurdî/ devoka Badînî.

Hêjayî gotinê ye ku vê pertûk hijmar (25) di zincîreya weşanên rêveberîya çap û weşanê – Duhok ser bi wezareta rewşenbîrî û lawan ya hikumeta herêma Kurdistanê de cih girtîye.

Ev pertûk ji (255) laperan pêk dihê, û li çapxana Hawar - Duhok/2012 çap bûye.

Bo barkirin û xwendina pertûkê..... li vir bitikîne

 

 

 

 

Têgehekê Yasayi bo rojnamevanîyê di Pertûkeke

Hekar Findî de

Findî Info

Ji weşanên rêveberiya çap û weşanê – Duhok pertûkeke Hekar Findî bi zimanê Kurdî bi navê "Tegehekê yasayî bo reojnamevanîyê" derket.

Di vê pertûkê de, Hekar Findî li dûv yasayên karpêkirî li herêma Kurdistanê û çendîn welatên cîhanî rojnamenivîs û rojnamevanî bi dîtineka yasayî dayine şirove û xweyakirin.

Babetên sereke yên ku pertûkê di 5 pişkên xwe de şirove û diyarkirine evin (Êtîk, Erk, maf, parêzeyî, tawan, mafê bi destveînana pêzaninan).

Hejî gotinê ye ku ev pertûk dibe êkemîn pertûk di vî biyavî de û bi zimanê kurdî/ kurmancî tê çapkirin.

Vê pertûke hijmar (26) di zincîreya weşanên rêveberîya çap û weşanê – Duhok ser bi wezareta rewşenbîrî û lawan ya hikumeta herêma Kurdistanê de cih girtiye.

Pertûke ji (180) berperan pêk dihê û li çapxana hawar – Duhok/2012 çap bûye.

Bo barkirin û xwendina pertûkê..... li vir bitikîne

 

 

 

 

Pertûkeke

Dr. Izet Findî

bi zimanê ingilîzî derket

Findî Info


Pirtûkeke Dr.Izet Findî bi navê (INTRODUCTION TO IRRIGATION PRINCIPLES) anku (Despêkek bo Zanistê Avdanê) bi zimanê ingilîzî derket.

Ev pertûk wê weke rênîşanderek bo xwendekarên bekalorîyosê yên kolîjên çandinê bê pêşkêş kirin û xwendin.

Pertûka han ji (70) berperên A4 pêk dihê û li çapxana Zankoya Duhok / 2012 hatiye çapkirin, her wesa bi her daneyekê re CD heye ku naveroka perûkê bi şêwazê dijîtal têde cih digire.

Bo barkirin û xwendina pertûkê..... li vir bitikîne

   

Ebdulkerîm Findî û Reşîd Findî

hatin xelatkirin

 

Findî Info
Bi hilkefta 114 saliya rojnamegeriya Kurdî, liqe Duhok yê sendîka rojnamevanên Kurdistanê li roja 23.04.2012an bi çend çalakîyan ev bîrewerîye bi bîranî.

Di vê rojê de (20) rojnamevanên dêrîn yên parêzgeha Duhokê hatine xelatkirîn, di nava van (20) rojnamevanên dêrîn de dû endamên malbata Findî hebuun ku hatin xelatkirin, ewjî Ebdulkerîm Findî û Reşîd Findî bûn.

Her wesa Di vê rojê de pertûkek Hekar Findî bi navê " Rêberê Dezgehên Ragehandinê li Parêzgeha Duhokê" jî hate parvekirin li ser berhevbuyan, piştre Hekar Findî li ser naveroka pertûke axivî. .......... bixwîne


 

   

 

 

Dezgehên Ragehandinê

 

di pertûkeke

Hekar Findî de

 

Findi Info

Ji weşanên liqê Duhok yê Sendika Rojnamevanên Kurdistanê pertûkeke Hekar Findî bi navê "Rêberê Dezgehên Ragehandinê li parêzgeha Duhokê" bi zimanê kurdî derket.

Di vî rêberî de pêzanîn û rêyên peywendîkirinê yên pêtirî 80 dezgehên ku di parezgeha duhokê de ne cih digirin, ev rêbere dibe êkemîn rêber ku bi vî şêwazî derdikeve.

Rêber ji 104 berperên rengawreng li çapxana xanî - Duhok çapbûye............ bixwîne


 

   

 

 

Şûnwarên Duhokê….

 

di pertûkeke

Izet Findî de

Findi Info

Ji weşanên rêveberiya çap û weşanê li duhokê pertûkeke Izet Findî bi navê " Şûnwarên Devera Duhokê…. Çend vekolînên zanistî" bi zimanê Kurdî derket.

Di vê pertûkê de çendîn vekolînên zanistî li ser şûnwarên Duhokê cih digirin, hinek ji vekolinên di vê pertûkê de bo cara êkê ne dihêne encamdan…. Wek vekolîneke zanistî li ser kela Pîromera li devera Doskî ya ku bo cara êkê ye vekolîn li ser tê kirin ew jî ji alîyê Dr. Izet Findî ve hatiye encam dan.

Pertûka han, ji (80) berperan pêk tê, hijmar 11 di zincîra weshanên rêveberiyê de girtîye, li çapxana wezareta rewshenbîrî – hewlêr çap bûye............ bixwîne

   

Ebdulkerîm Findî

Rêveberiya Çap û Weşanê li Duhokê vekir

 Findi.Info

Li roja (7.2.2012) li bajarê Duhokê di rêwresmekî hejî de û bi berhevbuuna hijmareka niviskar û rewşenbirên kurd rêveberiiyeke nû bi navê "Rêveberiya Çap u Weşanê" ji alîyê nivîskarê kurd Ebdulkerîm Findî ve hate vekirin. 

Digel vekirina rêveberiya nû (11) pertûk di biyavên cuda cuda hatine belavkirin û ketin nêv pertûkxaneya kurdî de ku ji alîyê rêveberîya navbirî ve hatibûne çapkirin. 

Hejî gotinêye ku rêveberîya han ser bi wezareta rewşenbîrî û lawan a hikumeta herêma kurdistanê ve ye, u birêveberê wê "Kerîm Biyanî" î ye...   bixwîne 

   

 

Pertûkeke

Ebdulkerîm Findî

li ser Kelên Badînan derket

 

 

Findi.Info

Ji weşanên Yekêtiya Nivîskarên Kurd / Duhok, hijmar (231) pertûkeke nû ya Nivîskar û rewşenbîrê Kurd Ebdulkerîm Findî kete ber destê xwendevanan.
Pertûka nû ya ebdulkerîm Findî binavê " Qila' Badinan û be'iz mewaqi' El-eserîye fîha" anku (Kelên Badînan û hindek cihên wê yên şûynwarî).
Pertûka han nêzî (50) kel û cihên şûynwarî li devera badînan bi xwe ve digire, her wesa çendîn belege û wêneyên girêdayî van cihan jî têda hatine weshandin, zêdebarî nexşeyeke mîrnishîna Badînan.......
........   bixwîne 

   

 

 

 

Yasayên Rojnamevanî di Pertûkeke Hekar Findî de

 

 

Findi.Info

Ji weshanên Wezareta Roshinbîrî ya Hikumeta Herêma Kurdistanê – Rêveberîya Ragehandinê Pertûka "Yasayên rojnamevanî li herêma kurdistanê" ku ji aliyê rojnamevan û mafperwer Hekar Findî ve hatiiye berhevkirin bi zimanê erebî û wergêran bo zimanê kurdî – zarê kurmancîya jûrî.
Divê pertûkê de da ew yasayên rojnamevanîyê yên karpêkirî û rastvekirî cih digirin.
Hejîye bêjîn ku pertûka navbirî ji 144 berperên navincî pêk dihêt û li çapxaneya xani – Duhok / 2011 hatîye çapkirin.....
........   bixwîne 

   
 

E-mail

 
 
 

Ji baxçeyê  Helbesta Kurdî

 

Xelqê ku ji sîne û ji dil saf

Pakîze siroşt û ehlî insaf

Bîlcumle biken ji bo me tehşîn

Bêjin ku qencî hate tedwîn

Xani   

 

 

 

Findi Youtube   فندى يوتيوب Findi Twitter   فندى تویتر

Malpera Helebce  مالپه‌را هه‌له‌بجه‌Wikipedia Kurdi  ویكیپیدیا كوردىPENa Kurd په‌نا كوردMalpera Netewe    مالپه‌را نه‌ته‌وه‌    KurdPortal  كوردبورتالKovara Yasa   كوفارا ياسا

 

 

 

© 2008 Findi.Info    | info@findi.info |