خەلەکا ٣٩:
ھەڤاڵان ئەم ل ئەڤان زاڕاڤ و ئیدیومان بنێڕین:
١- ئەوێ گەلەک ئاڤ ڤەخواری و شلق شلق ژ زکی دھێت دبێژن یێ (بەتڵی).
٢- ئەوێ گەلەک خواری و نەشێت ب لڤیت دبێژن یێ (حەمەر بووی).
٣- ئەوێ ژ تێنا ھشک بووی و دەڤ لێ زۆھابووی دبێژن یێ (قاقوسکی بووی).
٤- ئەوێ ژ برسا دکەڤیتە سەر زادی و قازان ژبەر دڕەڤیت دبێژن (کولپێ) یێ لێدای، ل ڤێرێ (کولپ) یەعنی خەلا.
٥- ئەوێ ترس ترسوک زەراف پچیای دبێژن چ (کولافەیە).
٦- مروڤێ درەوین و ڕاستیێ نەبێژیت؛ دبێژنێ (کونەبا).
٧- مڕوڤێ مەدحوو دبێژنێ (بافڕۆ).
٨- دیسا یێ ترس ترسوک و بێ ھناڤ دبێژنێ (کولەکا کابا)؛ پاشی یا وی ب وێ کولەکا مەزن ئەوا بەرێ ددیوارا دھێلا وبچویکا کابێت خوە یێت یاریا تێدا ھلدگرتن یا ھاتیە شباندن.
٩- مرۆڤێ بەتران دبێژنێ یێ (گورێخ) ـە.
١٠- یێ گەلەک پارا مەسرەف کەت و ب مەزیخیت دبێژنێ (پەڕلاغ) یان (دەڕێژ) کو جھێ (مبەزر – مبذر) عەرەبی دگریت.