د. عزەت فندی، ل سەر زمانێ کوردی دنڤیسیت – ٤١

خەلەکا ٤١: من گەلەک یاگووتی ودێ ھەر بێژم، ڕۆژ بو ڕۆژێ پەیڤ و ئاخفتن و زاراڤ و ئیدیومێت زمانێ مە یێ بەرزەدبن و نامینن و ھندەک پەیڤێت دی ژ رەخ ڕویان جھێ وان دگرن و ئەم بخۆژی ژبێ بزاڤی ب کێم زانین ھاریکارین و ڤان ئاخفتنێن بیانی ب کار دئینین و سەری دبەڕادھژینین و شانازیێ پێ دبەین، ل ڤێرە ل دوی شیانا خوە دێ جار جار ھنەک ئاخفتنێت مە یێت کەس بکارنەئینیت بو ھەوە نڤێسم ھەرچەندە(ھەوارا دوی گورگی یە) بەس پا ئەڤە ژمن دھێت نەزێدەتر. ١- زەڤەر: ب ڕاستی مروڤەکێ بێ زەڤەرە،ئانکو(ب کێر نەھاتی یە، یان ترسنوکە). ٢- دەملە: دەملێ یێ گرتی،ئانکو( شلل). ٣- ھەلووک: ووسا یێ ھەلووک بوو،چەوا ئەم دیتین،بەردا گریێ،ئانکو( خەریب). ٤- ڕاھێل: تە ڕاھێلا وی دیت،ئانکو(سەروبەرێ وی یێ جلکا).

  • ڕاھێلا وێ دانایی،ب حەفت ژنکاڤە ناھێت،ئانکو( ترتیب). ٥- گەرتوی: چی یە؟ ھو فلان کەس گەرتوی تەبووی، ئانکو ( فێری تە بووی،یان ژدوی تە فەنابیت). ٦- کەتوانە: ل بەردانا، ئانکو (کەتوانە ل بەر دانا ھەتا درنگ و کوشتی) (چاڤدێری – مراقبة) . ٧- کەنەڤێل: کەنەڤێلە ب کێر چوناھێت، واتە (تەمبەل). ٨- مسێبایی: پیچەکێ مسێبایێ دپارێت خوەدابکە، واتە (کێم ب مە زێخە). ٩- شریپان: ھندە شریپان کەتبوونە عەردی دا دەستێ مروڤی ھەمی چیتە تێدا. ( پەق،کەلێشت). ١٠- گێچلاند: بەس شو لا ب گێچلینە، واتە ئاسێ بكە یان بعەرقلینە (عرقلة).

Leave a Reply

Your email address will not be published. Required fields are marked *