خەلەکا ٣٨:
ئەم پێکڤە ل ئەڤان پەیڤ و زاراڤ و ئیدیومان بنێرین:
سولاڤ (سویلاڤ): سویلیا ئاڤێ، سویلی، سولین، سولینە، سولینەک، ڕێ یا ئاڤێ یان بوریا ئاڤێ، دکەڤندا و ل ناڤ مللەتێ مە بەرەک ب درێژکانی  (دوو بھوست ھەتا سێ بھوستا) دا کۆلان و نکراندن وەکی بوریا ڤێگاڤێ یا نیڤ ڤەکری open canal دا چێکەن و داننە بەر ئاڤێ و ژێ ھێتە برکەکێ یان جھەکی، یان ژی بوڕیەکا گرتی دھاتە چێکرن ژ ئاخا قەلاندی و ئاڤ ژجھەکی پێ دبرە جھەکێ دی و دگۆتن (ئاڤا فلان کانیێ یا سولینەکری و بریە فلان جھی)، ژبەر ھندێ ھەکو ئاڤ ب جھەکێ تەنگ دا ژی دھێتە خارو یا بووش بیت، دبێژن (سویلیەکا ئاڤێ یا ب فلان جھی دا دھێت)، واتە سویلیا ئاڤێ یا بوویە سویلاڤ و سولاڤ.
– ژلایەکێ دیڤە ھەکو کولیلکا باھیڤێ گردبیت و ناڤکا خوە دگریت دبێژن یا بوویە (سولینەک).
– واتە سولین و سولینە ئانکو بوڕی، و سویلاڤ ئەو جھە یێ ئاڤ ب سویلیێدا دھێتە خوار یێ بوویە سولاڤ.