د. عزەت فندی، ل سەر زمانێ کوردی دنڤیسیت – ٢٢

خالەکا ٢٢:
ھەڤالان سەرسالا ھەوە یا زایینی پیروز
دیسان ئەم ل ڤان زاراڤ و ئیدیوما بنێرین کو دبنە (ئێک) د بوچوونەکێ دا، د ئاستەکی دا، د رەنگەکی دا، د قەوارەیەکی دا، د کارەکی دا یان د پیشەکی دا و …ھتد. 
وەکی پێشگرێ (ھەڤ) دھێتە بەراھیا پەیڤێ:

١- ھەڤال: ئانکو ( ھەڤ ئال) ب مەعنا: ئێک بوچوون، ئێک رەئی، ئیک ئاخفتن، ئیک ھزر.
٢- ھەڤڕێ: ئانکو (ھەمان ڕێ) ب مەعنا: ئێک ڕێیا چوونێ.
٣- ھەڤسوی: ئانکو: (ھەڤ کوژیێ دیواری) ب مەعنا: ئێک دیوار، جیران.
٤- ھەڤلنگ: ئانکو (ھەمان مال) ب مەعنا: ئێک ناموس، ئێک شەرەف.
٥- ھەڤکویف: ئانکو (ئێک کویف) ب مەعنا: ئێک قەبارە، واتە ئەو کویفێ بکێر تشتەکی دئیت د ھەمان دەم دا بکێر تشتەکێ دی ژی دئیت واتە ئاستێ وا ئێکە وەکی دوو مەزن، یان دوو ئاغا بەرامبەری ئێکن و (کویفێ وان ئێکە).
٦- ھەڤرک: ئانکو (ند) ب مەعنا: ژبەر نەدانان.
٧- ھەڤران: ئانکو ( ھەڤ رەنین) ب مەعنا: ڤەرەنینا قەلپویچکێ دندکا گەنمی و پاشی ھێرانا گەنمی دبیتە ئار، دبێژنێ ھەڤران کو پێکڤە ئەو دندک دھێتە رەنین.
٨- ھەڤیر: ئانکو ( ھەڤ ئویر) ب مەعنا: ھەڤیر ھەکو ترش دبیت و پوف دبیت و رەنگێ زەرباڤ و شێوێ حولی واتە ( پوف و حولی و زەراتی) وەکی ( عویرێ حەیوانی لێ دئێت و پێش چاڤ دکەنە ئامانەکی دا و رەنگ و رویبارێ ھەردووکا وەکی ئێک لێ دئێت لەوان گوتیە (ھەمان ئویر).
٩- ھەڤشی: ئانکو ( ھەڤ جی) ب مەعنا: (ھەمان جھ)، واتە ھەمان جھێ پەزی یە وەکی گۆڤێ یان کۆتانێ، دبێژنێ ھەڤشیێ پەزی وەکی: پەز پایزا د مینتە ل ھەڤشی ل جھەکی ڤەدەر و دویری گوند.
١٠- ھەڤگیان: ب مەعنا ژن دبێژتە زەلامێ خوە ھەڤگیان، واتە ژین و مرن پێکڤەیە.

تێبینی: پەیڤێن نوی وەک ھەڤژین، ھەڤخەم، ھەڤدەنگ، ھەڤسوز، ھەڤپەیمان لسەر ڤی بنەمای ھاتینە داڕێتن.

Leave a Reply

Your email address will not be published. Required fields are marked *