د. عزەت فندی، ل سەر زمانێ کوردی دنڤیسیت – ١٨

خه‌له‌كا 18:
جاره‌كا دى هنده‌ک زاراڤ و ئديومێت دى يێت كورمانجى.
– هلگرتنا (تشته‌كى) لسه‌ر بنه‌مايێ سه‌نگ و قه‌باره‌ى (ده‌ست). 
١- داڤ: وه‌ك داڤا گياى
٢- كه‌ف: كه‌فه‌كا گياى (ئه‌و چه‌ند داڤێت ب كه‌فا ده‌ستى دهێنه‌ هلگرتن)، بۆزانين بنه‌كوكا په‌يڤا (قه‌فت) هه‌ر ئه‌و كه‌فا ده‌ستى يه‌ يا مه‌ گۆتى، وه‌ك قه‌فتا گولا.
٣- به‌رمل: دبێژن به‌رمله‌كێ گياى (ب ئێك ده‌ست و لبه‌ر سنگى دهێته‌ هلگرتن).
٤- مل: دبێژن مله‌كێ گياى (ئه‌وێ مروڤ دكه‌ته د‌ بنكه‌فشێ خوڤه‌ و دهلگريت، بو ڤێ په‌يڤێ هن جاران (گورز) ژى دهێته‌ بكارئينان.
٥- ملێ دارا: دبێژن مله‌كێ دارا، باراپتر لسه‌ر ملى دهێته‌ دانان و هلگرتن.
٦- پشتى: چ گيا بيت يان دار بيت و ب (پشتێ) بهێته‌ هلگرتن، دبێژنێ (پشتيه‌كێ گياى يان پشتيه‌كێ دارا).
٧- بار: ئه‌و (بار)ـە يێ‌ ب ده‌وارا دهێته هلگرتن و‌ ڤه‌گوهاستن و مرۆڤ نه‌شێت بهلگريت.

Leave a Reply

Your email address will not be published.