د. عزەت فندی، ل سەر زمانێ کوردی دنڤیسیت – ١٠

خه‌له‌كا: 10

 ديسان هه‌ر گرێداى بابه‌تێ مه‌ و خه‌له‌كێن چووى، هه‌كه‌ ئه‌م ب هويرى ب رێنينه‌ پيتا (ك) (ب ده‌نگێ گرتى) گه‌له‌ك و گه‌له‌ك د ديالێكتا مه‌ دا پتر و مشه‌تر و گه‌له‌ك تره‌ ژ پيتا (ك) (ب ده‌نگێ ڤه‌كرى)، لێ مخابن هه‌تا نهو نه‌ كه‌سێ ئه‌ڤ بابه‌ته‌ تێكڤه‌دايه‌ و ده‌ستڤه‌دايه‌ و ده‌نگ ژێ ئينايه‌،

ئه‌ز به‌رپرسم ژ ئاخفتنا خوه‌ كو هه‌ر پيته‌كا (ك) ب (ده‌نگێ ڤه‌كرى) پێنج پيتێت دى ب ده‌نگێ گرتى به‌رامبه‌رى وێ يێت هه‌ين، لێ هێما بو ده‌نگێ (ك)ـا ڤه‌كرى يێ هه‌ى و بو پيتا (ك) ب ده‌نگێ گرتى نينه‌، بونموونه‌ ( كه‌و،كرم، كول، كولى، كێرات، كه‌ڤن، كانى، كه‌ند، كود، كا (تبن)، كه‌له‌م، كه‌ر (قطعة)، كوليلك، كوڵان (زقاق)، كوار(مخزن حبوب)، كوون (خيمه‌)، كنێر، كه‌ڤوت، كێم (قليل)، كێزم، كارى، كولند، كاته، شاك، كوتر، كه‌ل (قلعة)، كه‌ڤر، كووره، كه‌شك، كليل، كوتان، كه‌پى، كووپ(قمه‌)، كه‌له‌ك، كڤان) ئه‌ڤه‌ هه‌مى ب (ده‌نگێ گرتى) نه‌، لێ پيتا (ك) ب (ده‌نگێ ڤه‌كرى) وه‌كى (كێز، كه‌ر (من الحيوانات)، كه‌ل (حار)، كرێت، كاشو، كويسه‌له، كولان (حفر)، كه‌سك، ‌كراس) گه‌له‌ك كيمتره‌ به‌رامبه‌رى (ك)ـا ده‌نگێ گرتى، له‌و ئه‌ز داخازێ دكه‌م چاره‌يه‌ك بو ڤێ پيتا (ك) يا ب ده‌نگێ گرتى بهێته‌ ديتن، چونكى پيته‌كا بنگه‌هين و خوه‌سه‌ره‌ د زمانێ مه‌ دا.

و هه‌ر لسه‌ر وێ هزرێ جاره‌كێ براده‌ره‌كێ نڤيسه‌ر گوته‌ من: ئه‌ز دبێژم پيتا (ك) ب ده‌نگێ گرتى يا كێمه، من به‌رسڤا وى ب ڤێ رستا خوارێ دا: د دانك (فه‌يديێ) دا جهه‌كێ هه‌ى دبێژنێ (كه‌ندێت كانى كووتكێ !!!) ‌

Leave a Reply

Your email address will not be published.