د. عزەت فندی، ل سەر زمانێ کوردی دنڤیسیت – ٦

خه‌له‌كا 6
١- لب : د كورماجی يا مه‌ دا په‌يڤا (لب) ب رامانا (ئێك، كت) دهێت، بو نموونه‌ دێ بێژى (لبه‌كێ) بده‌ من، ڤێجا چ (مێويژ بيت، باهيڤه‌ك بيت، چكلێته‌ك بيت) يان هه‌ر تشته‌كێ كت بيت، رامانا وێ من ئێك ژ وان دڤێت. ب هزرا من ناڤێ (دوولب)ێ، كو گونده‌كه‌ ل روژئاڤايێ باژێرێ دهوكێ ژ ڤێ (لب)ـا مه‌ گوتى يێ هاتى، چونكى ئه‌و (نيڤ چياكێ) ددانگ گوندى دا گه‌ليكه‌ك يێ ل نيڤێ و ئه‌و چياك يێ كريه‌ دوو پارچه‌، يان دوو قه‌ت يان دوو پرت. و د كورمانجى يا كه‌ڤن دا وه‌ك مه‌ گۆتى (دوولب) ئانكو لبه‌ك ل ملێ رۆژهه‌لاتى و لبه‌ك ل ملێ روژ ئاڤاى له‌وان ناڤێ گوندى بويه‌ (دوولب).

٢- ل كورمانجى يا ناڤه‌راست په‌يڤا (قل) ب رامانا (لب)ـا مه‌ گۆتى دهێت، بو نموونه‌ دێ بێژن (قلێكم به‌رێ) ئانكو تشته‌كى بتنێ كته‌كێ، ديسان وه‌كی مێويژەكێ يان چكلێته‌كێ يان باهيڤه‌كێ بده‌ من. هه‌ر ئه‌ڤ (قل)ـە ‌يه‌ د كورمانجى يا مه‌ دا هێشتا مايه‌ ل سه‌ر په‌يڤا (پشكل) و (پوزكل) ئانكو ئه‌و (كل)ـا ژ پشتا بزنێ دكه‌ڤيت و ئه‌و (كل)ـا ژ پوزا كه‌رى دكه‌ڤيت.
٣- ل پشتا گه‌رميان و ده‌ردوراوێ په‌يڤا (بز) ل شونا (قل و لب) لكاره‌، له‌و ئه‌ز دبێژم ناڤێ باژێرێ (دووبز) هه‌ر ب رامانا (دوولب)ـا مه‌يه‌، واته‌ (لب و قل و بز) ئێك رامان و ئێك واتانه‌ وه‌كى (كه‌ر و پرت و پارچه‌)، ل دوماهيێ ما كى دبێژيت ناڤێ (ادلب) ژى (ئێك لب) نينه‌! تنێ بوچوونه‌كه‌ وهيڤيدارم زمانزانێت مه‌ ل موخل و بێژينكا بكه‌ن.

Leave a Reply

Your email address will not be published.