عەبدولکەریم فندی

نڤیسکارەکێ کورده

عەبدولکەریم فندی

 

– د سالا (١٩٤٦)ێ ل گوندێ قارقاراڤا- ده‌ڤه‌را دۆسکی یا- باشوورێ باژێرێ دهۆکێ ژ دایک بوویه‌.
– د پاییزا سالا (١٩٥١)ێ دا دگه‌ل خێزانا خوه‌ ل باژارێ دهۆکێ ئاکنجی دبیت‌ و ل وێرێ خوه‌ندنا خوه‌ یا سه‌ره‌تای و ئاماده‌یی ب دوماهی دئینیت‌.
– د سالێن (١٩٥٩-١٩٧٤)ێ دا، ئه‌ندامێ ئێکەتی یا قوتابیێن کوردستانێ بوو ، و تێدا‌ گه‌هشتیه‌ پلا ئه‌ندامێ مه‌کته‌با سکرتارییه‌تێ.

– ل (٩/ ٦/ ١٩٦٣)ێ گه‌هشتی یه‌ ناڤ ڕێزێن شۆره‌شا ئیلۆنێ.
– ل سالا (١٩٦٥)ێ بوویه‌ ئه‌ندامێ لژنا ناوچا دهۆک یا (پ. د. ک).
– ل (١١/١٠/١٩٧٠) ێ بوویه‌ ئه‌ندامێ ئێکەتی یا نڤیسه‌رێن کورد.
– ل سالا (١٩٧٤)ێ ژ زانکۆیا موسل – کۆلیژا ئاداب/پشکا زمانێ ئنگلیزی دەرچوویە.
– وه‌ک مامۆستا ل ئاماده‌یی یا برایه‌تی / دهۆک دئێتە دامه‌زراندن .
– ل سالا (١٩٨٤)ێ دبیته‌ ڕێڤه‌به‌رێ ناڤنجی یا مه‌مێ ئالان / دهۆک .
– ل سالا (١٩٨٦) ێ‌ ژ به‌ر هه‌لویستێ وی یێ نه‌ته‌وایه‌تی بۆ ئاماده‌یا دهۆک یا ئێڤاران دئێتە ڤه‌گوهاستن.
– پشتی سه‌رهلدانا بهارا سالا (١٩٩١)ێ دبیتە ڕێڤه‌به‌رێ ئاماده‌یی یا پیشه‌سازی ل دهۆکێ.
– ل ڕۆژا ( ٨/ ٤/ ١٩٩٣) ێ و د ئێکه‌مین کابینه‌یا حکومه‌تا هه‌رێما کوردستانێ دا‌ وه‌ک ڕێڤه‌به‌رێ گشتی یێ رەوشەنبیری و هونه‌ری ل وه‌زاره‌تا ڕە‌وشه‌نبیری یا حکومه‌تا هه‌رێما کوردستانێ دا‌ دئێتە دامه‌زراندن.
– ل سالا (٢٠٠٢)ێ بوویه‌ ڕێڤه‌به‌رێ‌ گشی یێ  ڕاگه‌هاندن ل وه‌زاره‌تا ڕە‌وشه‌نبیری د حوکمه‌تا هه‌رێما کوردستانێ دا‌.
– ل سالا (٢٠٠٤)ێ و ژ به‌ر نه‌خوه‌شیه‌كێ ژ ئالیێ‌ ته‌ندرۆستی ڤه‌، دبیتە‌ ڕێڤه‌به‌رێ گشتی ل دیوانا وه‌زاره‌تا ڕە‌وشه‌نبیری د حکومه‌تا هه‌رێما کوردستانێ دا‌.
– هاتیه‌ هه‌لبژارتن وه‌ک سکرتێر د پرانیا ده‌سته‌یێن ڕێڤه‌به‌ر یێن ئێکەتی یا نڤیسه‌رێن کورد /دهۆک.
– ل سالێن (١٩٨٤-١٩٩١)ێ هاتیه‌ هه‌لبژارتن وه‌ک ئه‌ندام د ده‌سته‌یا ڕێڤه‌به‌ر یا ئێکەتی  یا نڤیسه‌رێن کورد ل هه‌رێما کوردستانێ.
– ل سالێن (١٩٨٦-١٩٩١)ێ وه‌ک نوینه‌رێ تایێ کوردستانێ هاتیه‌ هلبژارتن د جڤاتا ناڤین یا ئێکەتی توره‌ڤان و نڤیسه‌رێن ئیراقێ دا.
– پشکداری د پرانیا کۆنگره‌یێن ئێکەتی یا نڤیسه‌رێن کورد دا کریه‌، زێده‌باری سێ کۆنگره‌یێن ئێکەتی یا نیڤسه‌ر و توره‌ڤانێن ئیراقێ، هه‌ر وه‌سا کۆنگرێ (١٥) یێ ئێکەتی یا نڤیسه‌رێن عه‌ره‌ب کو ل ئادارا سالا ١٩٨٦ێ ل به‌غدا هاتبوو به‌ستن.
– پشکداری د ڤیستەڤالا (مه‌ربد) یا (٦-٧-٨) دا کریه‌.
– ئه‌ندامێ ده‌سته‌یا نڤێسینا کۆڤارا (به‌یان) بوویه‌ ، یا کو ژ ئالیێ ده‌زگه‌هێ رەوشەنبیری و به‌لاڤکرنا کوردی ل به‌غدا ڤه‌ دهاته‌ وه‌شاندن .
– ئه‌ندامێ ده‌سته‌یا نڤێسینا کۆڤارا (نوسه‌ری کورد) خۆلا سیێ بوویه‌ .
– ئه‌ندامێ ده‌سته‌یا نڤێسینا کۆڤارا (په‌یڤ) بوویه‌ ، یا کو ژ ئالیێ (ئێکەتی یا نڤیسه‌رێن کورد / تایێ دهۆک) ێ ڤە دهاتە وه‌شاندن.
– وه‌ک سکرتێرێ نڤێسینێ د کۆڤارا (مه‌تین) خۆلا سیێ دا کارکریه‌ ژ هه‌ژمار ١-١٨.
– ل سالا (١٩٩٧)ێ سه‌رنڤیسه‌رێ کۆڤارا کاروان بوویه‌ ، ژ هه‌ژمار ١٠٧ – ١١٤، یا کو ژ ئالیێ وه‌زاره‌تا رەوشەنبیری یا حکومه‌تا هه‌رێما کوردستانێ ڤه‌ دهاتە وه‌شاندن .
– سکرتێرێ نڤێسینا کۆڤارا (کاروانی ئه‌کادیمی) بوویه‌ ، یا ژ ئالیێ وه‌زاره‌تا رەوشەنبیری حکومه‌تا هه‌رێما کوردستانێ ڤه‌ دهاتە وه‌شاندن .
– سه‌رنڤیسه‌رێ کۆڤارا (دجله‌) بوو هه‌ر ژ وه‌شانا وێ تا ڕاوه‌ستاندنا وێ ژ وه‌شانێ (٤٢ هژمار)، کو ژ ئالیێ  وه‌زاره‌تا رەوشەنبیری یا حکومه‌تا هه‌رێما کوردستانێ ڤه‌ ب تیپێن لاتینی دهاتە وه‌شاندن، ئه‌ڤ کۆڤار ئێکەمین کۆڤار بوو ب تیپێن لاتینی ل هه‌رمێما کوردستانێ دئێتە وه‌شاندن.
– ئێک ژ دامه‌زرێنه‌رێن سه‌ندیکا ڕۆژنامه‌نڤیسێن کوردستانێ بوو.
– ئێک ژ دامه‌زرێنه‌رێن کۆمه‌لا دۆستینی یا ( کوردی- عه‌ره‌بی) بوو.
– ئێک ژ دامه‌زرێنه‌رێن مالا هونه‌ری بوو ل هه‌ڤلێرێ.
– سه‌رۆکێ جڤاتا شانا هونه‌ری بوو ل دهۆکێ.
– زێده‌باری چه‌ندین کار و به‌رپرسیاره‌تییێن دی.
-د پرانیا کۆڤار و ڕۆژنامه‌یێن کوردی دا‌ یێن کو ل عیراقێ دهاتنه‌ وه‌شاندن به‌رهه‌مێن خوه‌ (ڤه‌کۆلینێن ئه‌ده‌بی ، ڕە‌خنه‌یی ، فۆلکلوری ، بابه‌تێن دیرۆکی ل سه‌ر دیرۆکا کوردان ) وه‌شاندینه‌ .

– زمانێن کوردی، عه‌ره‌بی، ئنگلیزی دزانیت‌.
– ب ئەلفه‌بێ یا (لاتینی، عه‌ره‌بی، ئه‌کلیرکی– سلاڤی) دزانیت‌.

به‌رهه‌مێن چاپکری:

 دیوانا هۆزنڤان به‌کر به‌گێ ئه‌رزی، کۆمکرن و تویژاندن، ١٩٨٢، (ب زمانێ کوردی یە)

 مه‌یرۆ، پەرتوکا مامۆستا محەمەد ئەمین بۆزئه‌رسه‌لان، ڤه‌گوهاستن ژ پیتێن لاتینی بۆ پیتێن عه‌ره‌بی، ١٩٨٥، (ب زمانێ کوردی یە)

– گولچن، پەرتوکا مامۆستا ئۆردیخانێ جه‌لیل، ڤه‌گوهاستن ژ پیتێن ئه‌کلیرکی بۆ پیتێن عه‌‌ره‌بی، ١٩٨٢، (ب زمانێ کوردی یە)

– شۆره‌شا ئیلۆنێ ل کوردستانا ئیراقێ، دانان، ١٩٩٥، (ب زمانێ عەرەبی یە)

– ڕێبه‌رێ پارێزگه‌ها دهۆکێ، دانان، دگه‌ل چه‌ند نڤیسه‌رێن دی، ١٩٩٥، (ب زمانێ عەرەبی یە)

– هۆزێت کورد ل باکورێ ویلایه‌تا موسل، وه‌رگێران ژ زمانێ ئنگلیزی بۆ زمانێ‌ کوردی، ١٩٩٦، (ب زمانێ کوردی یە)

– پارتی ل سه‌ر ده‌مێ مشه‌ختبونا بارزانی، دانان، ١٩٩٨، (ب زمانێ کوردی یە)

 ئامێدیێ د چه‌رخێن جودا دا، دانانا عه‌باس عه‌زاوی، تویژاندن عەبدولکه‌ریم فندی – مه‌لا حه‌مدی سه‌له‌فی، ١٩٩٥،  (ب زمانێ عەرەبی یە)

– یۆبیلا زێرینا پێشمه‌رگه‌یی، به‌رهه‌ڤکرن: شه‌وکه‌ت شێخ یه‌زدین، ڤه‌گوهاستن ژ پیتێن عه‌ره‌بی و دیالێکتا کورمانجی یا ژێری بۆ سه‌ر پیتێن لاتینی و دیالێکتا کورمانجیا ژۆری، ١٩٩٩، (ب زمانێ کوردی یە)

– بارزانی خوه‌ ناده‌ ده‌ست که‌سێ، وه‌رگێران: شه‌وکه‌ت شێخ یه‌زدین، ڤه‌گوهاستن ژ پیتێن عه‌ره‌بی و دیالێکتا کورمانجی یا ژێری بۆ سه‌ر پیتێن لاتینی و دیالێکتا کرمانجی یا ژۆری، ٢٠٠١، – (ب زمانێ کوردی یە)

–  ڤیستەڤالا خانی، به‌رهه‌ڤکرن، ١٩٩٦، (ب زمانێ کوردی یە)

– کەلێن بادینان و چەند جهێن وێ یێن شوینواری، دانان، ٢٠١٢، (ب زمانێ عەرەبی یە)

– زمانێ کوردی ل دەڤەرا بەهدینان، وەرگێران، ٢٠١٢، (ب زمانێ عەرەبی یە)